Ansu Fati “Barselona”ning 9000-golini urdi

“Barselona” Ispaniya La Ligasining 34-turida “Vilyarreal”ni 4:1 hisobida mag‘lubiyatga uchratdi.

“Ko‘k-anorranglilar”ning 4-goli hujumkor yarim himoyachi Ansu Fati tomonidan kiritildi. Ushbu gol Kataloniya klubi tarixidagi 9000-gol bo‘ldi. 17 yoshli Fati esa o‘zining Ispaniya chempionatidagi 6-golini urdi.

Ma’lumot uchun, Fati 2019-yilning 25-avgust sanasida “Barselona” safida debyut qilgan. U umumiy hisobda La Ligada 21 o‘yin o‘tkazib, 6 ta gol va 1 ta golli uzatmaga mualliflik qildi.

“Barselona” 34-turdan keyin 73 ochko bilan 2-o‘rinda bormoqda. Jamoa birinchi pog‘onadagi “Real”dan 4 ochkoga orqada qolmoqda.

Mavzuga doir: 17 yoshli Ansu Fati yana bir natijasi sabab La Liga tarixidan joy oldi

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!