Pxenyanda qo‘lga olingan AQSh fuqarosining ismi oshkor etildi

Shimoliy Koreyada qo‘lga olingan AQSh fuqarosining ismi Toni Kim (koreyscha ismi — Kim San Duk) ekanligi ma’lum qilindi. Bu haqda Associated Press agentligi xabar bermoqda, deb yozadi “Kommersant.ru”.

21-aprel kuni Pxenyanda Xitoy universitetlaridan birining sobiq professori qo‘lga olingan edi. U KXDRda gumanitar yordam yetkazish bo‘yicha dasturlarda ishtirok etgan. Uning hibsga olinish sabablari noma’lum.

Bu oxirgi vaqtda Shimoliy Koreyada AQSh fuqarosining qo‘lga olinishi bilan bog‘liq uchinchi holat. Amerika Davlat departamenti AQSh fuqarosining qo‘lga olinganligidan xabar topgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!