Turkmaniston telekanali Buxoro haqida ko‘rsatuv namoyish etadi

Turkmanistonning “Yaslik” telekanali “Bilesiniz gelyarmi” ijodiy guruhi 15-aprel kuni Buxoro viloyatida suratga olish ishlarini o‘tkazdi, deya xabar bermoqda “1news.uz”.

Suratga olish guruhining maqsadi — turkmanistonlik teletomoshabinlarga O‘zbekiston xalqlari madaniyati, an’analari, hunarmandchiligi va milliy taomlarini yoritib berish, deyiladi xabarda.

Buxoro viloyatiga tashrif chog‘ida suratga olish delegatsiyasi Ark qal’asi, Poyi Kalon majmuasi, Labi Hovuz majmuasi, savdo gumbazlari kabi tarixiy yodgorliklarda, shuningdek, Asia Bukhara va “Devonbegi” mehmonxonalarida suratga olish ishlarini olib bordi.