Xiaomi hamyonbop Poco M2 Pro modelini taqdim etdi

Xiaomi kompaniyasi o‘zining Poco sho‘basi logotipi ostida hamyonbop M2 Pro smartfonini taqdim etdi. Yangi qurilma birinchi navbatda mobil o‘yin ishqibozlari uchun mo‘ljallangan, deb xabar beradi “Afisha.uz”.

Poco M2 Pro — Poco brendining logotipi tushirilgan va biroz o‘zgartirilgan Redmi Note 9 Pro. Yangi modelga 2400x1080 pikselga ega 6,67 dyuymli displey o‘rnatilgan. Smartfonning old va orqa paneli Gorilla Glass 5 oynasi bilan himoyalangan bo‘lib, ular plasik yon tomonlar bilan birlashtirilgan.

Qurilma ichiga Qualcomm Snapdragon 720G protsessori, 4 yoki 6 gigabayt tezkor hamda 64/128 gigabayt ichki xotira o‘rnatilgan. Apparat 5000 mA/soat sig‘imga ega akkumulyator yordamida ishlaydi. Smartfon masofadan turib uy texnikalarni boshqarishga yordam beradigan infraqizil sensorga, USB Type-C, Bluetooth va naushniklar uchun minijekka ega.

Sifatli suratlarni olish uchun asosiy kamera 48 megapiksellga, qo‘shimcha kameralar esa 8, 5 hamda 2 megapiksellga ega bo‘lgan. Frontal kamera yordamida esa 16 megapikselli selfilarga tushish mumkin. Barmoq izi skaneri korpus yon tarafida joylashgan.

Roco M2 Pro’ning Xitoydagi rasmiy narxi:

Avvalroq Xiaomi’ning eng hamyonbop telefonlari — Redmi 9A va Redmi 9C modellari 100 dollardan sotuvga chiqarilgani to‘g‘risida xabar berilgandi.

Mavzuga doir: