Ronaldu “Real”ga qarshi o‘ynashi mumkin. Chempionlar Ligasi chorak va yarim final bahslariga qur’a tashlandi
UEFAning Nyondagi (Shveysariya) qarorgohida Yevropa Chempionlar Ligasi 2019/20-yilgi mavsumining qolgan qismiga qur’a tashlash marosimi bo‘lib o‘tdi.
Chorak final juftliklari quyidagicha ko‘rinish oladigan bo‘ldi.
1/4 final
1-juftlik: “Real” / “Manchester Siti” – “Lion” / “Yuventus”
2-juftlik: “RB Leypsig” – “Atletiko”
3-juftlik: “Napoli” / “Barselona” – “Chelsi” / “Bavariya”
4-juftlik: “Atalanta” – PSJ
1/2 final
1-juftlik: Chorak finalning 1-juftlik g‘olibi — Chorak finalning 3-juftlik g‘olibi
2-juftik: Chorak finalning 2-juftlik g‘olibi — Chorak finalning 4-juftlik g‘olibi
Final
Finalning nominal mezboni 2-yarim final juftligi g‘olibi bo‘ladi.
Eslatib o‘tamiz, ayni damga qadar 1/4 finalga “Atalanta”, “Atletiko”, PSJ hamda “Leypsig” klublari yo‘l olgan.
1/4 finalning qolgan juftliklari 7—8-avgust kunlari o‘tkaziladigan o‘yinlardan so‘ng ma’lum bo‘ladi.
Chorak final bahslari 12—15-avgust, yarim final o‘yinlari esa 18—19-avgust kunlari o‘tkaziladi. Ushbu bosqichlar avvalgidek, ikkita emas, balki bitta o‘yindan iborat bo‘ladi.
Final bellashuvi esa 23-avgustga rejalashtirilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Manba: Daryo.uz