Shvetsiyada Stokgolmdagi teraktga aloqadorlikda gumon qilinayotgan yana bir shaxs qo‘lga olindi

Shvetsiyada Stokgolmdagi teraktni tashkillashga aloqadorlikda gumon qilinayotgan yana bir shaxs qo‘lga olindi. Bu haqda mamlakat huquq-tartibot idoralari ma’lum qildi, deya xabar beradi “TASS”.

“Qo‘lga olish politsiya va xavfsizlik politsiyasi tomonidan tekshiruv doirasidagi ko‘plab materiallar qayta ishlagandan so‘ng amalga oshirildi”, — deyiladi politsiya press-relizida. 

Gumonlanuvchi 23-aprel, yakshanba kuni qo‘lga olindi. Unga nisbatan ko‘riladigan chora haqida 26-aprelga qadar qaror qabul qilinadi. Gumonlanuvchi shaxsi va uning teraktga aloqadorligi haqidagi qo‘shimcha tafsilotlar oshkor etilmadi. 

Ma’lumot uchun, mazkur terakt ijrochisi sanalayotgan Rahmat Oqilovga 11-may kunigacha rasman ayblov e’lon qilinadi. “Daryo”ning Telegram’dagi rasmiy kanali — @toshqindaryo’ga a’zo bo‘ling!