» » Samarqandda 64 yoshli ayolning uyida bosqinchilik qilgan shaxslar ushlandi

Samarqandda 64 yoshli ayolning uyida bosqinchilik qilgan shaxslar ushlandi


Samarqand viloyatida 64 yoshli ayolning uyiga bosqinchilik uchun kirgan va ayolni urib, mulkini talon-toroj qilgan shaxslar ushlandi, deya xabar beradi Tergov departamenti.

Qayd etilishicha, 2019-yilning 12-noyabr soat 01:20 da Samarqand tumani “Badal” mahallasida yashovchi 64 yoshli M.B. (ayol) xonadonida begona shaxslarni yurganligini sezib qolgan. Ayol hovli qismiga chiqqan vaqtida ikki nafar noma’lum shaxslar boshiga niqob, qo‘llariga qo‘lqop kiygan holatda unga tashlanib, undan tilla taqinchoqlarinini qayerdaligini so‘rab, uning tanasining turli joylariga bir necha marotaba urgan.

Talonchilar ayol yiqilib qolgan vaqtida yashash xonasiga kirib, xonada bo‘lgan 4 million so‘m hamda 2 dona Nokia rusumli telefon apparatlarini talon-toroj qilib, hodisa joyidan yashiringan.

Mazkur holat yuzasidan Samarqand tuman IIB huzuridagi Tergov bo‘limi tomonidan Jinoyat kodeksining 164-moddasi 3-qismi “v” bandi (Bosqinchilik) bilan jinoyat ishi qo‘zg‘atilgan va dastlabki tergov harakatlari olib borilgan.

IIB xodimlari tomonidan olib borilgan tezkor-qidiruv ishlari natijasida mazkur jinoyat Samarqand shahrida yashovchi 33 yoshli B.А. va 28 yoshli Sh.А. tomonidan sodir qilganliklari aniqlanib, ulardan bir dona Nokia X-2 rusumli telefon apparati ashyoviy dalil sifatida hujjatlashtirib olingan.

Jinoyat ishi bo‘yicha B.А. va Sh.А.ga nisbatan Jinoyat kodeksining 164-moddasi 3-qismi “v” bandi (Bosqinchilik) bilan ayb e’lon qilinib, ularga nisbatan “qamoqqa olish” tarzidagi ehtiyot chorasi qo‘llanilgan. Dastlabki tergov harakatlari davom etmoqda.

Mavzuga doir:



Manba: Daryo.uz
Опубликовано: admin (13-07-2020, 06:41)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 69) ( 0) ( 67) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют