» » Mirjalol Qosimov “Paxtakor”dan 2 daqiqa ichida 2 ta gol o‘tkazilgani haqida: “Qo‘shib berilgan daqiqalarda yana gol o‘tkazib, mag‘lubiyatga uchrashimiz ham mumkin edi”

Mirjalol Qosimov “Paxtakor”dan 2 daqiqa ichida 2 ta gol o‘tkazilgani haqida: “Qo‘shib berilgan daqiqalarda yana gol o‘tkazib, mag‘lubiyatga uchrashimiz ham mumkin edi”


OKMK futbol klubi bosh murabbiyi Mirjalol Qosimov Coca-Cola Superliga 9-turi doirasida “Paxtakor”ga qarshi kechgan o‘yindan (2:2) so‘ng matbuot anjumanida qatnashdi.

“Musobaqa jadvalining yuqori pog‘onalarini egallab turgan ikki jamoa to‘qnashdi. Qolaversa “Paxtakor” yaxshi shakllangan jamoa. Ikki-uch yildan beri deyarli bir xil tarkib bilan harakat qilib kelmoqda. Tarkibida kuchli ijrochilar bor. Menimcha, yomon o‘yin ko‘rsatganimiz yo‘q. Qisqa vaqt ichida darvozamizdan ikkita to‘p olib chiqdik. Yutib ketishimiz ham mumkin edi. Futbol shunisi bilan qiziq. Qo‘shib berilgan daqiqalarda yana gol o‘tkazib, mag‘lubiyatga uchrashimiz ham mumkin edi. Darvozabonimiz yaxshi harakat qildi. Haqiqatan ham chiroyli o‘yin bo‘ldi. Ayrim jarohat olgan futbolchilarimiz ham borlarini berishdi. So‘ngi 15 daqiqalikni hisobga olmaganda durang adolatli.

Futbol yugurishdan iborat. Hozirgi zamonaviy futbolda turib futbol o‘ynab bo‘lmaydi. Bugungi kunda futbolda birinchi o‘rinda turadigan narsa bu — yugurish. Texnika, fikrlash va boshqa narsalar ikkinchi, uchinchi darajada. Haqiqtatdan ham rotatsiya har bir o‘yinda amalga oshirmoqdamiz. Elguja Grigalashvili, Dilshod Jo‘rayev jarohat sabab yordam bera olishmadi. Saydulloga raqobatchi sifatida Murod Toshmatovni ham o‘ynatyapman. Bu birinchi marotaba emas. Jamoada darvozabonlardan tashqari yana 20 nafar futbolchi bor. Mavsum hali uzoq, shuning uchun maydonga chiqqan har bir futbolchi o‘zini hissasini qo‘shishi kerak.

Hojimat Erkinov bizga “Paxtakor”dan ijara asosida o‘tgan. O‘z jamoasiga qarshi to‘p tepdi. Yosh bo‘lishiga qaramasdan iqtidorli va mahoratli futbolchi. Elgujani o‘rniga boshlang‘ich tarkibdan joy oldi. O‘zidan yomon taassurot qoldirmayapti. Birinchi turda ham, “Bunyodkor” bilan o‘yinda ham zaxiradan maydonga tushib kuchaytirdi. O‘sishdan to‘xtab qolishi kerak emas. Kelajagi bor.

Birinchi golni o‘tkazib yuborganidan keyin futbolchilar o‘ziga kelgunicha ikkinchi golni o‘tkazib bordik. Bu borada ko‘rsatmalar berdim. Darvozamizga yopishmaslikka, iloji boricha to‘pni uzoqroqda ushlashga harakat qilish kerakligini tushuntirgandim. Hisobni ushlab qolishni o‘yladik. Istaymizmi yo‘qmi bunda xatolar kelib chiqadi. “Paxtakor”ning “Surxon” bilan o‘yinini ko‘rib o‘rganib chiqqanimizda ham bir daqiqa ichida ikkita gol urishganini ko‘rgandik. Bu ham futbolning bir qismi”, — deya Qosimov so‘zlarini keltirmoqda “Championat.asia”.

Mazkur durangdan so‘ng olmaliqliklar 21 ochko bilan ikkinchi pog‘onada qoldi. Jamoa keyingi turda “Lokomotiv”ni qabul qiladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!



Manba: Daryo.uz
Опубликовано: admin (14-07-2020, 09:26)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 86) ( 0) ( 84) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют