Google xaritadagi joylarni va fikrlarni foydalanuvchi tiliga avtomatik tarzda tarjima qilishni boshladi

Google kompaniyasi Google Maps servisiga fikrlarni, shuningdek, shaharlar, muassasalar va tarixiy obidalar nomlarini foydalanuvchi biladigan tillarga avtomatik tarjima qilish funksiyasi qo‘shilganini ma’lum qildi, deb yozadi TJournal.

Xabar berilishicha, Google Maps’dan tashqari, Google qidiruv natijalaridagi fikrlar ham tarjima qilinadi. Kompaniyadagilar aniqlik kiritishicha, yangi funksiya foydalanuvchilarning fikrlarni o‘z ona tilida o‘qishini osonlashtiradi.

Bungacha Google Maps’dagi fikrlarni tarjima uchun dasturga ko‘chirib qo‘yish kerak bo‘lardi. Endi esa Google Maps fikrlarni tizim tiliga avtomatik ravishda o‘girib qo‘yadi.