O‘zbekistonda iyun oyida eng ko‘p Cobalt avtomobili ishlab chiqarildi

Davlat statistika qo‘mitasi O‘zbekistonda iyun oyida eng ko‘p Cobalt modeli ishlab chiqarilganini ma’lum qildi.

Ma’lumotlarga ko‘ra, O‘zbekistonda o‘tgan 6 oyda jami 37 682 dona Cobalt avtomobili ishlab chiqarilgan. Bu o‘tgan yilning shu davriga nisbatan 154,2 foizga ko‘p demak.

Iyun oyining o‘zida 7557 dona Cobalt avtomobili ishlab chiqarilgan bo‘lib, 2020-yilning boshqa oylariga qaraganda eng ko‘p ko‘rsatkichni qayd etgan.

Avtomobil ishlab chiqarish sanoatida 2020-yilning yanvar—iyun oylarida 35 050 dona Nexia T-250 (o‘tgan yilning mos davriga nisbatan 99,9 foiz), 37 682 dona Cobalt (154,2 foiz), 26 047 dona Lacetti-Gentra (133,0 foiz), 26 687 dona Damas (115,8 foiz), 14 511 dona Spark (160,4 foiz) hamda 3 478 dona Labo (90,7 foiz) avtomobillari ishlab chiqarilgan.

Avvalroq UzAuto brendidan foydalanish huquqiga ega bo‘ladigan kompaniyalar tashkil etilishi to‘g‘risida xabar berilgandi.

Mavzuga doir: Braziliyada Chevrolet Cobalt ishlab chiqarish to‘xtatildi

Eslatib o‘tamiz, UzAuto Motors kompaniyasi 9-mart kuni o‘zi ishlab chiqarayotgan (yig‘ayotgan) yengil avtomobillar narxi model va modifikatsiyaga qarab 3 foizdan 21 foizgacha oshirgan edi. Kompaniya ushbu holatni “narxlarni qayta ko‘rib chiqish qarori narxlar konyunkturasi, shuningdek, ichki va tashqi bozordagi umumiy makroiqtisodiy vaziyatning o‘zgarishi bilan bog‘liq”, deb izohlagan.