AQShda politsiyachi ikkita echkini hibsga oldi

AQShning Belfast shahrida politsiyasi ko‘chada sayr qilib yurgan ikkita echkini hibsga oldi. Jonivorlar ularni garajda boqqan egasidan qochib ketgan, deb yozadi ABC News.

Politsiya ofitseri Deniel Fitzpatrik ko‘chada sayr qilib yurgan Luis va Magli laqabli o‘txo‘rlarni aniqlab, ularni mushuklar bo‘yinbog‘iga bog‘ladi va patrul mashinasi ichiga keltirdi.

Huquq-tartibot xodimi och qolgan jonzotlarni mevalar bilan siyladi. Shuningdek, u echkilar bilan tushgan suratini Facebook’dagi sahifasiga joyladi.

Bir necha soatda ijtimoiy tarmoqlarda echkilarni ko‘rgan jonivorlar egasining qizi politsiya bilan bog‘lanib, ularni uyiga olib ketdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!