“Arsenal” so‘nggi 25 yillikdagi eng yomon natijasini qayd etdi

“Arsenal” klubi Angliya chempionatining 2019/20-yilgi mavsum yakunlariga ko‘ra 8-o‘rinni egalladi.

Bu londonliklar uchun 1994/95-yilgi mavsumdan keyingi eng yomon natija hisoblanadi. O‘shanda jamoa mavsumni 12-o‘rinda yakunlagandi.

1996-yilda Arsen Venger “Arsenal” boshqaruviga kelgan va 2018-yilga qadar jamoa bosh murabbiyi bo‘lgan. Uning davrida “kanonirlar” 6-o‘rindan quyiga tushmagan edi.

2019/20-yilgi mavsum Mikel Artetagacha London klubini Unai Emeri va Fredrik Yungberg boshqarib borgandi.

Eslatib o‘tamiz, 1-avgust kuni “Arsenal” Angliya Kubogi finalida “Chelsi” bilan bahs yuritadi. Undagi g‘oliblik jamoaga Yevropa Ligasi yo‘llanmasini taqdim etishi mumkin.

12 ta gol urilgan “Reding”—“Arsenal” o‘yini yodingizdami? Uni tomosha qiling (video)

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!