Kataloniyada aksilterror operatsiyasi chog‘ida 9 kishi hibsga olindi

Kataloniya politsiyasi Barselona viloyatining bir qancha hududlarida aksilterror operatsiyalarini o‘tkazdi. Operatsiyalar chog‘ida jami to‘qqiz kishi qo‘lga olindi, deb xabar beradi “TASS”.

Huquq-tartibot idoralari vakillarining bildirishicha, hibsga olinganlarning sakkiz nafari Marokash fuqarosi, bir nafari esa ispaniyalikdir. Ularning bari 30–40 yosh atrofidagi erkaklardir.

Hibsga olinganlar terrorchi tashkilotlar va uyushgan jinoyatchilik bilan aloqadorlikda ayblanmoqda.

Operatsiyada Ispaniya milliy politsiyasi va Belgiya huquq-tartibot idoralari ishtirok etdi.