Buyuk Britaniyada koronavirusga qarshi kurashish doirasida shirin va yog‘li ovqatlar reklamasi taqiqlandi
Buyuk Britaniyada yog‘, shakar va tuzga boy oziq-ovqatlar reklamasi cheklanadi. Bu haqda Meduza xabar berdi.
Ma’lum qilinishicha, bu Buyuk Britaniyaning COVID-19 epidemiyasi tufayli qayta ko‘rib chiqilgan semirishga qarshi kurash dasturining bir qismi sifatida amalga oshirilmoqda.
Buyuk Britaniya hukumati ma’lumotlariga ko‘ra, semiz odamlarning koronavirus infeksiyasidan o‘lish xavfi yuqori. Ortiqcha vaznli bemorlarning deyarli 8 foizi intensiv terapiya bo‘limlariga yotqizilgan.
Soat 21:00 gacha televideniye va internetda yog‘li va shirin taomlarni reklama qilish taqiqlanadi. Supermarketlar kassalari va kirish joylarida bunday mahsulotlar joylashtirilmaydi. Shuningdek, hukumat “Bittasini sotib oling — ikkinchisini bepul oling” aksiyasi yordamida amalga oshiriladigan zararli mahsulotlar reklamasini cheklaydi.
Jons Hopkins universiteti ma’lumotlariga ko‘ra, Buyuk Britaniyada 27-iyul holatiga ko‘ra, 301 mingdan ortiq COVID-19 bilan kasallanish holati tasdiqlangan, ulardan 45,8 mingtasi o‘lim bilan yakunlangan.
Mavzuga doir: Buyuk Britaniya 90 million doza COVID-19 vaksinasiga buyurtma berdi
Manba: Daryo.uz