O‘zbekistonda “Eng namunali oila” respublika tanloviga start berildi
O‘zbekiston Xotin-qizlar qo‘mitasi, Kasaba uyushmalari federatsiyasi, “Mahalla” xayriya jamoat fondi respublika boshqaruvi, “Nuroniy” jamg‘armasi, “Oila” ilmiy-amaliy markazi va “Sog‘lom avlod uchun” hukumatga qarashli bo‘lmagan xalqaro xayriya fondi “Eng namunali oila” respublika tanlovini e’lon qildi, deb xabar bermoqda O‘zA.
Tanlov to‘rt bosqichda bo‘lib, mahalla bosqichi 15-may — xalqaro Oila kuni arafasida, tuman (shahar) bosqichi iyul oyida, hududiy bosqich Mustaqillik bayrami arafasida, respublika bosqichi O‘zbekiston Respublikasi Konstitutsiyasi qabul qilinganining 25 yilligi arafasida — dekabr oyida Toshkent shahrida o‘tkaziladi.
Ishtirokchilar barcha bosqichlarda quyidagi shartlar asosida 10 ballik tizimda baholanadi:
Tanlovning barcha bosqichlarida 1-, 2-, 3-o‘rin g‘oliblari va “Kitobsevar oila”, “Sportchi oila”, “Ishbilarmon oila” “Mehribon qaynona”, “Ahil oila”, “Saxovatli oila”, “Ibratli kelin”, “Fayzli oila” nominatsiyalari bo‘yicha sovrindorlar aniqlanib, ular hamkor tashkilotlarning diplom, sertifikatlari va esdalik sovg‘alari bilan taqdirlanadi.
Hududiy bosqichlarda 1-o‘rinni qo‘lga kiritgan oilalar tanlovning yakuniy bosqichida ishtirok etadi.
Taqdim etiladigan hujjatlar ro‘yxati hamda ularni topshirish sanasi va joyi haqida O‘zA sahifasida batafsil tanishish mumkin.
“Daryo”ning Telegram’dagi rasmiy kanali — @toshqindaryo’ga a’zo bo‘ling!