Toshkent shahri va viloyatida jami 193 ta yangi kasallanish holati qayd etildi

O‘zbekistonda 2020-yil 30-iyul soat 23:30 holatiga ko‘ra, yana 193 nafar odamda koronavirus infeksiyasi borligi aniqlandi va kasallanganlarning umumiy soni 23 271 nafarga yetdi. Bu haqda Sog‘liqni saqlash vazirligi xabar berdi.

Yangi kasallanish holatlarining

30-iyulda, kun davomida jami 686 ta yangi kasallanish holati kuzatilgan (soat 10:00 da +287 va 17:00da +206). Shuningdek, jami 743 nafar bemor koronavirusdan tuzalib, kunlik rekord yangilangan. Toshkent shahrida 441 nafar, Toshkent viloyatida 152 nafar, Sirdaryo viloyatida 48 nafar, Andijon viloyatida 33 nafar, Surxondaryo viloyatida 16 nafar, Qashqadaryo viloyatida 15 nafar, Namangan viloyatida 13 nafar, Farg‘ona viloyatida ham 13 nafar, Qoraqalpog‘iston Respublikasida 6 nafar, Buxoro viloyatida ham 6 nafar kishi COVID-19 koronavirus infeksiyasidan forig‘ bo‘lgan.

Sog‘ayganlar soni 13 680 nafarni (59 foiz) tashkil qilmoqda. 9 455 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda, deyiladi Sog‘liqni saqlash vazirligining axborotida.