General Motors 2,7 ming kishini sirtdan ishdan bo‘shatdi

General Motors kompaniyasi 2,7 mingga yaqin kishi — konsernning Venesueladagi yopilgan zavodi xodimlarini sirtdan ishdan bo‘shatdi. Ularga matnli xabarlar tarqatilgan. Bu haqda Reuters agentligiga tayanib, “Motor” xabar bermoqda.

Xabarlar bilan birga barcha ko‘zda tutilgan to‘lovlar sobiq ishchilar hisobiga o‘tkazilgan.

GM’ning mamlakat shimolidagi korxonasi Venesuela hukumati kutilmaganda uni nazorati ostiga olgandan so‘ng faoliyatini to‘xtatdi. Zavoddan tashqari, yig‘ilgan avtomobillar ham egallab olingan. Bu General Motors va kompaniyani avtomobillarni yetkazib bermaslikda ayblagan ikki diler o‘rtasida uzoq davom etgan mojarodan so‘ng yuz berdi.

Oqibatda Venesuela korxonani o‘z mulkiga aylantirdi. GM ushbu chorani noqonuniy deb atadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!