“Oltin butsa” 10 yil deganda ilk bor “Real” yoki “Barselona” futbolchisiga nasib etmadi

“Latsio” hujumchisi Chiro Immobile 2019/20-yilgi mavsum yakunlariga ko‘ra “Oltin butsa” sovriniga ega chiqdi.

Italiyalik futbolchi A Seriya joriy mavsumida 36 ta gol urdi.

Shu tariqa 2010-yildan keyin ilk bor “Real” yoki “Barselona” futbolchisi “Oltin butsa”ga ega chiqolmadi. 2009-yilda “Atletiko” hujumchisi Diyego Forlan 32 ta gol bilan ushbu sovringa ega chiqqandi. Shundan keyin o‘n yil mobaynida “Oltin to‘p”ga faqat “Real” va “Barselona” futbolchilari sazovor bo‘lgan.

Lionel Messining “Santyago Bernabeu”da “Real”ga urgan eng qoyilmaqom gollari (video)

Mavzuga doir: Chiro Immobile “Oltin butsa” haqida: “Ba’zan orzular ro‘yobga chiqadi”

Shuningdek, A Seriya futbolchisi 2007-yildan beri ilk bor “Oltin butsa”ni qo‘lga kiritdi. 13 yil avval “Roma” forvardi Franchesko Totti 26 ta gol urgan holda Yevropada tengsiz bo‘lgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!