Oston O‘runov “Spartak”da tibbiy ko‘rikdan o‘tdi

“Ufa”ning o‘zbekistonlik yarim himoyachisi Oston O‘runov Moskvaning “Spartak” klubiga o‘tishga yaqin turibdi.

“Sport-Ekspress” jurnalisti Vyacheslav Korotkinning xabar berishicha, 19 yoshli yarim himoyachi yangi klubi uchun tibbiy ko‘rikdan o‘tib bo‘lgan. Transferning esa yaqin ikki kun kun ichida e’lon qilinishi kutilmoqda.

Eslatib o‘tamiz, avvalroq moskvaliklar uning transferi 2 million yevro sarflashi, Ostonning maoshi esa yiliga 600 ming yevro bo‘lishi haqida xabar qilingandi.

“Ufa” Oston O‘runovni 2020-yilning fevral oyida o‘z safiga qo‘shib olgan. O‘runov Rossiya Premyer Ligasida 10 o‘yinda maydonga tushib, 2 ta sariq kartochka oldi.

Oston O‘runov kecha paydo bo‘lib qolgan futbolchi emas. Bunga ushbu video orqali guvoh bo‘lishingiz mumkin (video)

Mavzuga doir:

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!