“Paxtakor”ning yangi rahbariyati Babayanning yordamchisini 20 kundayoq iste’foga chiqargani aytildi

Toshkentning “Paxtakor” klubi Ravshan Haydarovni iste’foga chiqardi, deb ma’lumot berdi “Championat.asia” nashri. Biroq bu haqda “Paxtakor” matbuot xizmati hozircha jim.

Ravshan Haydarov 6-aprel kuni bosh murabbiylik postini Grigoriy Kolosovskiydan qabul qilib olgandi. Oradan 20 kun o‘tib o‘z o‘rnini bo‘shatishga majbur bo‘ldi.

Qayd etilishicha, Haydarovning oldiga “Sho‘rtan” (0:3) va “Lokomotiv” (1:2) bilan o‘yinlarda maksimal ochko ishlash talabiga qo‘yilganiga qaramay, “Paxtakor” har ikki o‘yinda ham imkoniyatni boy berdi. Bu esa iste’foga asosiy sabab bo‘lishi mumkin.

Ma’lumot uchun, Ravshan Haydarov O‘zbekiston milliy terma jamoasi bosh murabbiyi Samvel Babayanning yordamchisi hisoblanadi. Bugun — 26-aprel kuni ertalab “Paxtakor” matbuot xizmati klub rahbariyati o‘zgargani haqida ma’lumot bergandi.

Alisher Usmonovdan Shodiyevgacha. “Paxtakor”ning 17 kunlik arosati haqida