Qashqadaryoda aprel oyida 10 holatda ammiakli selitra mineral o‘g‘iti noqonuniy saqlanayotgani aniqlandi

Aprel oyida Qashqadaryo viloyatida o‘tkazilgan profilaktika tadbirlari davomida 10 holatda fuqarolarning ammiakli selitra mineral o‘g‘itini noqonuniy saqlab kelayotgani fosh etildi, deb xabar bermoqda O‘zA.

Jumladan, IIB xodimlari tomonidan olib borilgan profilaktik tadbirlar davomida Qamashi tumani To‘qboy qishlog‘i hududidagi “Ravshan Qoraqulov” fermer xo‘jaligi rahbari Murod Jovliyev ammiakli selitra mineral o‘g‘itini o‘z hovlisida noqonuniy saqlab kelayotgani aniqlandi.

Ushbu mineral o‘g‘it dalolatnoma asosida hujjatlashtirilib, vaqtincha saqlash uchun tuman agrokimyohimoya bo‘limi omboriga topshirildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!