Do‘konga shiftdagi teshik orqali kirgan o‘g‘ri undan qaytib chiqa olmadi (video)

AQShning Luiziana shtati Yangi Orlean shahrida noma’lum erkak kiyimlar do‘koniga shiftdagi teshik orqali kirdi. Biroq kutilmaganda ishlab ketgan signalizatsiya o‘g‘rining rejalarini buzdi. Shundan so‘ng erkak ortga qaytish yo‘lini izlay boshladi, deb yozadi TJournal.

O‘g‘ri arqon orqali do‘konga kirgan edi va shu yo‘l bilan chiqib ketmoqchi bo‘ldi. Ammo sirpanib, o‘z maqsadiga erisha olmadi. Erkakning bir necha urinishi samarasiz yakunlandi.

Samarasiz urinishlardan so‘ng o‘g‘ri do‘kondagi zaxira eshigini topib, hech narsa tunamasdan o‘sha yerdan chiqib ketdi. Xabar berishlaricha, qonunbuzar shaxs politsiya tomonidan qidiruvga berilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!