“Real” Paulo Dibala uchun 100 mln yevro va yetakchi futbolchilaridan birini taklif qilishga tayyor

“Real” mavsumlar oralig‘idagi transfer oynasida “Yuventus” hujumchisi Paulo Dibalani o‘z safiga qo‘shib olmoqchi. Bu haqda SportMediaset xabar bermoqda.

Manbaga ko‘ra, Madrid klubi argentinalik futbolchi uchun 100 million yevro va Toni Kroos yoki Iskodan birini taklif qilmoqchi.

Ma’lumot uchun, Dibala 2015-yildan beri Turin klubi safida to‘p suradi. U 2019/20-yilgi mavsumda klub miqyosidagi barcha musobaqalarda 45 ta o‘yin o‘tkazib, o‘z nomiga 17 ta gol va 14 ta golli uzatma yozdirib qo‘ydi.

26 yoshli futbolchining “Yuventus” bilan amaldagi shartnomasi 2022-yilning yozigacha mo‘ljallangan.

Mavzuga doir: