“Real” “yapon Messisi”ni ijaraga berib yubordi
Madridning “Real” klubi yarim himoyachisi Takefusa Kubo faoliyatini “Vilyarreal”da davom ettiradi. Bu haqda “qaymoqranglilar” rasmiy saytida ma’lum qilindi.
“Yapon Messisi” laqabini olgan 19 yoshli futbolchi 20220/21-yilgi mavsumni “Vilyarreal” safida ijarada o‘tkazadi. “Sariq suv osti kemasi”da futbolchini sotib olish huquqi bo‘lmaydi.
Ayrim xabarlarga ko‘ra, Madrid klubi mazkur ijaradan 2,5 million yevro ishlab oladi.
2019/20-yilgi mavsumda Kubo “Malyorka” safida ijarada o‘ynadi. U La Ligadagi 35 ta uchrashuvda qatnashib, to‘rttadan gol va golli uzatmaga muallif bo‘ldi.
Kubo 2011—2015-yillar mobaynida “Barselona” tizimida to‘p tepgan. Professional futbolga Yaponiyada qadam qo‘ygan Takefusa 2019-yilda “Real” a’zosiga aylangandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Manba: Daryo.uz