Tereza Mey britaniyalik eng mashhur bosh vazir deb topildi

Ipsos Mori kompaniyasini o‘tkazgan so‘rovga ko‘ra, Buyuk Britaniya bosh vaziri Tereza Mey mashhurlikda mamlakatning sobiq rahbarlarini ortda qoldirdi. Bu haqda Independent nashriga tayanib, “Korrespondent.net” xabar berdi.

Takidlanishicha, so‘rovda ishtirok etganlarning 61 foizi Meyning mamlakat boshlig‘i sifatidagi faoliyatini ijobiy baholagan.

Shuningdek, Toni Bler Britaniya bosh vaziri vazifasini egallaganida 52 foiz ovoz olgan bo‘lsa, Margaret Tetcher faoliyatini 48 foiz odam ijobiy baholagan edi.

Independent’ning ta’kidlashicha, amaldagi bosh vazirning qo‘llab-quvvatlanishi 1970-yildan beri o‘tkazilgan shu kabi so‘rovlarning rekord darajasi bo‘lgan.

Eslatib o‘tamiz, Tereza Mey Time jurnali tomonidan tuzilgan dunyoning 100 nafar eng nufuzli yetakchilari ro‘yxatidan joy olgandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!