Rasman: Villian “Arsenal” futbolchisiga aylandi

“Chelsi” klubi sobiq a’zosi Villian Londonning boshqa bir klubi “Arsenal” bilan shartnoma imzoladi. Bu haqda “to‘pchilar” rasmiy sayti xabar bermoqda.

Qayd etilishicha, Villian “Arsenal” bilan uch yillik kelishuvga imzo chekkan. U yangi jamoasi safida 12-raqam ostida to‘p tepadi.

Avvalroq braziliyalik futbolchining “Arsenal” safida haftasiga 220 ming funt maosh olishi oydinlashgandi.

2019/20-yilgi mavsumda Villian “Chelsi” safida Angliya Premyer Ligasida 36 ta o‘yin o‘tkazib, 9 ta gol urdi va 9 ta golli uzatmani amalga oshirdi.

Futbolchining “Chelsi”ni erkin agent sifatida mavsum so‘ngida tark etdi. U 2013-yildan beri “aristokratlar” safida harakat qilib kelayotgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!