“Manchester Siti”ni Chempionlar Ligasidan chiqarib yuborgan “Lion” 10 yillik eng yaxshi natijasini takrorladi

“Lion” Chempionlar Ligasi chorak final bosqichida “Manchester Siti”ni mag‘lub etib (3:1), yarim final yo‘llanmasini qo‘lga kiritdi.

Shu tariqa fransuz klubi o‘z tarixida Yevrokuboklardagi eng yaxshi natijasini takrorladi. “Lion” bungacha 2010-yilda ham Chempionlar Ligasining yarim final bosqichiga qadar yetib kelgan edi.

Shuningdek, jamoa kubok egalari Kubogi (1964-yilda) va Yevropa Ligasi (2017-yilda) yarim finallarida ham ishtirok etgan. Bundan tashqari, lionliklar 1997-yilda Intertoto Kubogini qo‘lga kiritgan.

Qayd etish joiz, “Lion” 2010-yilda “Bavariya”ga mag‘lub bo‘lib (0:1, 0:3), yarim final bosqichida o‘z ishtirokini yakunlagandi. Fransuz klubi 2019/20-yilgi mavsumda ham yarim final bosqichida aynan Myunxen klubi bilan to‘qnash keladi.

Mavzuga doir: