Tramp THAAD tizimini joylashtirgani uchun Janubiy Koreyadan 1 mlrd dollar talab qilmoqchi

AQSh prezidenti Donald Tramp Koreya Respublikasiga uning hududiga Amerikaning THAAD raketaga qarshi mudofaa tizimini o‘rnatgani uchun 1 milliard dollar to‘lov uchun hisob yubormoqchi. Bu haqda Tramp Reuters’ga bergan intervyusida aytib o‘tdi, deb yozadi “TASS”.

AQSh Kongressi Vakillar palatasining qurolli kuchlar masalasi bo‘yicha qo‘mitasida qurolli kuchlar Tinch okeani qo‘mondonligi rahbari Xarri Xarris THAAD’ni Koreya Respublikasiga joylashtirish masalasini ko‘tardi. Uning so‘zlariga ko‘ra, majmua yaqin kunlarda jangovar navbatchilikka kirishadi. Ammo bu shunchaki ibora sifatida aytilgani yoki THAAD’ning Janubiy Koreyadagi faoliyati boshlanishining aniq muddatini bildirishi noaniq qoldi.