Shavkat Mirziyoyev mustaqillikning 29 yilligi munosbati bilan fan, ta’lim, adabiyot, madaniyat, san’at va OAV xodimlarini mukofotladi

Prezident Shavkat Mirziyoyev “O‘zbekiston Respublikasi mustaqilligining 29 yilligi munosabati bilan fan, ta’lim, adabiyot, madaniyat, san’at va ommaviy axborot vositalari sohalari xodimlaridan bir guruhini mukofotlash to‘g‘risida”gi farmonni imzoladi.

Farmon bilan O‘zbekiston mustaqilligini mustahkamlashga qo‘shgan munosib hissasi, o‘zining yorqin iste’dodi, serqirra ijodi, ilmiy-innovatsion faoliyati bilan mamlakatning ilm-fan, madaniyat va san’at sohalarini rivojlantirish, yosh avlodni ona yurtga muhabbat va sadoqat ruhida har tomonlama barkamol etib tarbiyalash yo‘lidagi samarali xizmatlari hamda jamoat ishlaridagi faol ishtiroki uchun mazkur sohalarning bir qator xodimlari faxriy unvonlar bilan taqdirlandi.

“O‘zbekiston Respublikasi xalq artisti” faxriy unvoni

“O‘zbekiston Respublikasi xalq baxshisi” faxriy unvoni

“O‘zbekiston Respublikasi xalq rassomi” faxriy unvoni

“O‘zbekiston Respublikasi xalq ustasi” faxriy unvoni

“O‘zbekiston Respublikasida xizmat ko‘rsatgan yoshlar murabbiyi” faxriy unvoni

“O‘zbekiston Respublikasida xizmat ko‘rsatgan madaniyat xodimi” faxriy unvoni

“O‘zbekiston Respublikasida xizmat ko‘rsatgan sport ustozi” faxriy unvoni

“O‘zbekiston Respublikasida xizmat ko‘rsatgan sportchi” faxriy unvoni

Shuningdek, o‘zbek xalqimizning ilmiy-intellektual salohiyati va ma’naviyatini yuksaltirish, ta’lim, madaniyat, adabiyot, san’at, jismoniy tarbiya va sport sohalarini rivojlantirishdagi alohida xizmatlari, Vatan mustaqilligini mustahkamlash, yurt taraqqiyoti, tinchligi va ijtimoiy-ma’naviy barqarorligini ta’minlashga qo‘shgan munosib hissasi hamda jamoatchilik ishlaridagi ko‘p yillik samarali ishtiroki uchun quyidagilar orden va medallar bilan mukofotlandi.

“El-yurt hurmati” ordeni

“Fidokorona xizmatlari uchun” ordeni

“Mehnat shuhrati” ordeni

“Do‘stlik” ordeni

“Sodiq xizmatlari uchun” medali

“Sog‘lom turmush” medali

“Shuhrat” medali