Prezident farmoniga asosan “Daryo” muharriri “Shuhrat” medali bilan mukofotlandi

O’zbekiston Prezidenti Shavkat Mirziyoyev mamlakat mustaqilligining 29 yilligi munosbati bilan fan, ta’lim, adabiyot, madaniyat, san’at va OAV sohalarining xodimlarini faxriy unvonlar, ordenlar va medallar bilan mukofotlagani haqida xabar berilgan edi. Taqdirlanganlar qatoridan “Daryo” bosh muharriri o‘rinbosari Dilshod Sharipov ham o‘rin oldi.

Prezident farmoniga asosan Dilshod Sharipov “Shuhrat” medali bilan mukofotlandi.

Dilshod Sharipov 1990-yilda Toshkent viloyati Zangiota tumanida tug‘ilgan. U 2011-yildan buyon OAV sohasida faoliyat olib boradi. Dilshod Sharipov “Daryo” internet-nashrida 2015-yilda ish boshlagan. Ayni paytda Dilshod Sharipov nashrda bosh muharrir o‘rinbosari lavozimida ishlamoqda.

Mavzuga doir: Shavkat Mirziyoyev mustaqillikning 29 yilligi munosbati bilan fan, ta’lim, adabiyot, madaniyat, san’at va OAV xodimlarini mukofotladi