Superliga. “So‘g‘diyona” penaltidan urilgan ikkita gol evaziga “Surxon”dan ustun keldi

Futbol bo‘yicha Coca-Cola Superliga 13-turida “So‘g‘diyona” 28-avgust, juma kuni “Surxon”ga qarshi bahs olib bordi.

Uchrashuvning 38-daqiqasida Shoxruz Norxonov penaltini aniq bajargan holda jizzaxliklarni oldinga olib chiqdi. Oradan ko‘p o‘tmay termizliklar darvozasi tomon yana 11 metrlik jarima zarbasi belgilandi, uni Jasur Hasanov golga aylantirdi.

Ikkinchi bo‘limda o‘yin o‘rtacha tempda ketdi va darvozalar daxlsiz qoldi.

Shu tariqa “So‘g‘diyona” ochkolarini 16 taga yetkazib oldi va 9-o‘rinda bormoqda. “Surxon” (8) esa 12-o‘rindan joy olgan.

Coca-Cola Superliga

13-tur bahslari

28-avgust, juma

Gollar: 1:0 – 38, penalti Norxonov, 2:0 – 43, penalti Hasanov.

“So‘g‘diyona”: Milan Mitrovich, Sardor Qulmatov, Iskandar Shoyqulov, Sanjar Rashidov (Ayubxon Nomanov, 77), Shohruz Norxonov (Bahodir Nasimov, 77), Jasur Hasanov, Daniel Nasriddinov (Jamshid Boltaboyev, 65), Shavkat Mullajonov, Javohir Qahramonov (Sahob Rashidov, 77), Shahboz Jo‘rabekov (San’at Shixov, 59), Marko Kolakovich.

“Surxon”: Akbar To‘rayev (Asilbek Amonov, 46), Sherzod Karimov, Shavkat Salomov, Aleksandr Kasyan, Sardor Sulaymonov (Nuriddin Hasanov, 61), Husniddin G‘ofurov, A’zamjon Aliyev, Jahongir Mehmonov, Darko Stanoyevich, Behruz Shaydulov, Asror G‘ofurov (Muhammadali Namozov, 84).

Ogohlantirishlar: Aliyev (42), Jo‘rabekov (53), G‘ofurov (90+4).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!