PSJning uch futbolchisi koronavirusga chalinganlikda gumon qilinmoqda

PSJning uch nafar futbolchisi koronavirus infeksiyasini yuqtirib olgan bo‘lishi mumkin.

PSJning ikki futbolchisi COVID-19 koronavirusini yuqtirganlikda gumon qilinmoqda. Ularning sog‘lig‘i yaxshi. Tegishli tibbiy protokol choralari qo‘llanilgan.

PSJ klubi bayonoti

L’Equipe xabariga ko‘ra, gap yarim himoyachilar Anxel di Mariya va Leandro Paredes haqida ketmoqda. Shuningdek, hujumchi Mauro Ikardining ham kasallikka chalinganligi taxmin qilinmoqda.

Ta’kidlanishicha, futbolchilar Ibitsa orolida ta’tilda bo‘lgan va virus tufayli Parijga qaytgan.

Qayd etilishicha, ular bilan birga Ander Errera, Keylor Navas va Neymar ham bo‘lgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!