O‘zbekistonda magistraturaga kirish imtihonlari 8-sentabrdan boshlanadi

O‘zbekistonda 2020/2021-o‘quv yili qabulida respublika oliy ta’lim muassasalarining magistraturasiga kirish imtihonlari karantin talablariga qat’iy rioya qilingan holda 8—20-sentabr kunlari o‘tkaziladi. Bu haqda Oliy va o‘rta maxsus ta’lim vazirligi xabar berdi.

Ta’kidlanishicha, bu haqda O‘zbekiston ta’lim muassasalariga o‘qishga qabul qilish bo‘yicha Davlat komissiyasining 3-son majlisi bayoni qarorida belgilab qo‘yilgan.

Qayd etilishicha, imtihonlar test sinovi tarzida kompyuterda onlayn olinadi.

Eslatib o‘tamiz, 2020-yilda O‘zbekistondagi oliy ta’lim muassasalariga magistraturaga 10 425 ta o‘rin ajratilgan. Shundan 5475 nafari grant, 4950 nafari to‘lov-kontrakt asosida tahsil oladi.

Mavzuga doir: O‘zbekistonda magistraturaga kirish imtihonlari bir kunda o‘tkaziladi