Qamchiq dovonida nima sababdan tirbanlik yuzaga kelayotgani to‘g‘risida tushintirish berildi
IIV YHXBB axborot xizmati ijtimoiy tarmoqlarda “Qamchiq dovonida tirbandlik kuzatilmoqda” sarlavhasi ostida tarqalgan video yuzasidan tushintirish berdi.
Ma’lumotlarga ko‘ra, ayni vaqtda Namangan viloyati Pop tumani hududidan o‘tgan A-373 xalqaro ahamiyatdagi Toshkent—O‘sh avtomobil yo‘lining 250-253 kilometrlari oralig‘ida yo‘l ta’mirlash ishlari olib borilayotganligi sababli haydovchilar transport vositasida harakatlanishi uchun bitta bo‘lak ochiq qoldirilgan. Shu sababli vaqti-vaqti bilan tirbandliklar yuzaga kelmoqda.
“Barcha haydovchilardan belgilangan oraliq-masofani saqlab, yo‘l belgilari va chiziqlari talablariga rioya etgan holda harakatlanishlarini so‘rab qolamiz”, — deyiladi xabarda.
Mavzuga doir: “Dovon tarixidagi eng katta tirbandlik”. Karantin kuchaytirilishi arafasida Qamchiqda yuzlab avtomobillar to‘planib qoldi (video)
Manba: Daryo.uz