» » Superliga. “Paxtakor” “Buxoro”ga javobsiz 4 ta gol urdi

Superliga. “Paxtakor” “Buxoro”ga javobsiz 4 ta gol urdi


Futbol bo‘yicha Coca-Cola Superliganing 15-turidan o‘rin olgan bahsda “Buxoro” va “Paxtakor” jamoalari 5-sentabr, shanba kuni o‘zaro bahs yuritdi.

Uchrashuvning 31-daqiqasida Igor Sergeyev Jaloliddin Masharipovning uzatmasidan keyin hisobni ochdi. Oradan to‘rt daqiqa o‘tib Masharipov ham o‘z hisobiga gol yozdirib qo‘ydi. Birinchi bo‘limda buxoroliklar ham faollik ko‘rsatdi, biroq nominal mezbonlar o‘z imkoniyatlaridan foydalana olmadi.

Ikkinchi bo‘limda “sherlar” vaziyatni nazorat qildi. 76-daqiqaga kelib hisob yirik ko‘rinish oldi: Dragan Cheranning uzatmasidan keyin Akrom Komilov darvozani ishg‘ol qildi. 89-daqiqada Cheran o‘yinga yakuniy nuqtani qo‘ydi, unga ham golli uzatmani Masharipov amalga oshirdi.

Ushbu g‘alabadan keyin “Paxtakor” ochkolarini 38 taga yetkazib olgan holda peshqadam bo‘lib turibdi. “Buxoro” (7) esa 13-pog‘onada bormoqda.

Eslatib o‘tamiz, “Paxtakor” Osiyo Chempionlar Ligasidagi ishtiroki sabab 14—16-tur o‘yinlarini muddatidan avval o‘tkazmoqda.

Coca-Cola Superliga

15-tur bahsi

5-sentabr, shanba

Gollar: 0:1 – 31 Sergeyev, 0:2 – 35 Masharipov, 0:3 – 76 Komilov, 0:4 – 89 Cheran.

“Buxoro”: Zafar Safayev, Mirajalol Jumayev, Boburjon Amonov, Anvarjon Jo‘rayev (Suhrob Ne’matov, 52), Jasur Hakimov (Shahzod Beshimov, 70), Aziz Ibragimov, Jasur Hasanov (Ilhomjon Alijonov, 46), Ergash Ismoilov, Izzatilla Abdullayev (Behruz Sadilloyev, 46), Maksimiliyan Fomin (Zohir Pirimov, 59), Solibek Karimov.

“Paxtakor”: Eldor Suyunov, Hojiakbar Alijonov (Akrom Komilov, 62), Anzur Ismoilov, Jaloliddin Masharipov, Dragan Cheran, Igor Sergeyev (Eren Derdiyok, 62), Yegor Krimets, Odil Hamrobekov (Abrorbek Ismoilov, 81), Sardor Sobirxo‘jayev (Sadriddin Abdullayev, 70), Farruh Sayfiyev, Javohir Siddiqov (Doston Hamdamov, 81).

Ogohlantirishlar: Fomin (17), Hamrobekov (19).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!



Manba: Daryo.uz
Опубликовано: admin (5-09-2020, 20:10)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Понравился ли Вам наш сайт?

КТО НА САЙТЕ?
( 42) ( 0) ( 39) ( 3)
Юзеры:
- отсутствуют
Роботы:
Последние 20 посетителей... - отсутствуют