Myanma sharqida avtobus qulashi oqibatida 19 kishi halok bo‘ldi

Myanma sharqida avtobusning daraga qulashi oqibatida kamida 19 kishi halok bo‘lgan, 20 dan ziyod odam tan jarohati olgan. Bu haqda “RIA Novosti” xabar bermoqda.

Myavadi shahri yaqinida yuz bergan hodisa vaqtida avtobus ichida 40 nafar yo‘lovchi bo‘lgani aytilmoqda.

Politsiya taxminiga ko‘ra, avtobus haydovchisi tormoz ishlamay qolgani sababli boshqaruvni yo‘qotgan.

Jabrlanuvchilar yaqin oradagi kasalxonalarga yetkazilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!