Avstraliyada pufak shaklidagi uy sotuvga qo‘yildi (foto)

Avstraliyaning Ipsuich shahri yaqinida pufaklar shaklida qurilgan uy sotuvga qo‘yildi. Uning maydoni 1000 kvadrat metrdan ortiq. Uyda 20 ta xona mavjud bo‘lib, u bundan 39 yil oldin qurilgan, deb yozadi Designboom.

Ko‘chmas mulk diametrli sakkiz metrga yetadigan 11 ta beton pufak-gumbazlardan iborat. Uyda mehmonxona, uchta yotoqxona, ikkita yuvinish xonasi, oshxona, ustaxona, vinolar uchun ombor, ikkita kutubxona va ish kabineti mavjud.

Sotuvga qo‘yilgan uy hududida garaj va golf maydonchasi joylashgan bo‘lib, uni 1,8 million Avstraliya dollariga (1,3 AQSh dollari) xarid qilish mumkin.

Pufakli uyni avstraliyalik arxitektor Grem Birchell 1981-yili o‘zining dissertatsiya loyihasi doirasida yaratgan.

Mavzuga doir: Polshalik arxitektor Audi logotipi shaklidagi uyning dizayni bilan bo‘lishdi (foto)