» » Tesla’ga raqobatchi bo‘lishi kutilayotgan “10 yillik” Lucid Air elektrokari taqdim etildi

Tesla’ga raqobatchi bo‘lishi kutilayotgan “10 yillik” Lucid Air elektrokari taqdim etildi


Lucid Motor startapi hashamatli Lucid Air seriyali elektromobilini rasman taqdim etdi. Tesla’ning asosiy raqobatchisi hisoblanuvchi modelni yaratishga 10 yildan ortiq vaqt sarflangan, deb xabar beradi The Verge.

Yangi model to‘rt versiyada taqdim etiladi. Air’ning eng kichik modeli texnik tavsifi hozircha ma’lum emas. Ta’kidlanishicha, u 80 ming dollardan 2020-yilda sotuvga chiqadi.

Air Touring va Air Grand Touring modifikatsiyalariga esa mos ravishda 629 va 811 ot kuchili motorlar o‘rnatiladi. Birinchi model bir marta quvvatlanish orqali 653 kilometr, ikkinchisi esa 832 kilometr yo‘l bosa oladi.

Cheklangan miqdorda ishlab chiqariluvchi Air Dream Edition versiyasi esa 1095 ot kuchiga ega ikkita elektromotorga ega bo‘ladi va u soatiga 97 kilometr tezlikka 2,5 soniyada erisha oladi. Model bir marta quvvatlanish orqali 809 kilometr masofa bosishi mumkin. Mazkur elektromobil narxi 169 ming dollarni tashkil etadi va 2021-yilning bahorida sotuvga chiqadi.

Mashinani 34 dyuymli egilgan 5K-sifatga ega suriluvchan sensorli displey yordamida boshqarsa bo‘ladi.

Lucid kompaniyasi Tesla tajribasidan foydalanish niyatida — hamyonbop modellarni ishlab chiqarish uchun ko‘proq qimmat avtomobillar sotish. AQSh, Kanada, Osiyo va Yevropaning ayrim mamlakatlarida hashamali Lucid Air elektromobillariga buyurtmalarni qabul qilish boshlangan.

Eslatib o‘tamiz, may oyida Xitoyning BYD avtomobil ishlab chiqaruvchi kompaniyasi o‘zining yangi Han EV elektrokarini taqdim etgan va u Tesla Model 3’ga raqobatchi tayyorlayotganini bildirgandi.

Mavzuga doir: Video: Musiqa ostida yorug‘lik shou uyushtirishga qodir Xpeng P7 elektromobili



Manba: Daryo.uz
Опубликовано: admin (14-09-2020, 21:40)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 43) ( 0) ( 40) ( 3)
Юзеры:
- отсутствуют
Гости:
Роботы:
Последние 20 посетителей... - отсутствуют