Qirg‘iziston janubidagi ko‘chki ro‘y bergan hududda ikki bolaning tanasi topildi

Qirg‘iziston janubida, O‘sh viloyati O‘zgan tumani Ayu qishlog‘ida ro‘y bergan ko‘chki hududida ikki bolaning tanasi topildi. Bu haqda, mamlakat favqulodda xizmatlariga asoslanib, “TASS” xabar bermoqda.

“Halok bo‘lganlar qarindoshlari tomonidan tanildi, fojia joyida qutqaruv-qidiruv operatsiyasi davom etmoqda”, — ma’lum qildi vazirlik vakili.

Ilgariroq qutqaruv operatsiyasi yomg‘ir tufayli vaqtinchalik to‘xtatilgan edi.