Tojikistonda yuz bergan zilzila O‘zbekistonning bir qator shaharlarida sezildi
Tojikistonda 18-sentabr kuni soat 22:47 da zilzila kuzatildi. Yer silkinishining kuchi O‘zbekistonning bir qator shaharlarida sezildi. Bu haqda FVV Seysmoprognostik monitoring markazi xabar qildi.
Ma’lum qilinishicha, 18-sentabr kuni Toshkent vaqti bilan soat 22:47 da Tojikistonda zilzila sodir bo‘ldi. Zilzila magnitudasi uning 68 kilometr chuqurlikda joylashgan markazida 5,4 ballni tashkil qilgan. Zilzila epimarkazidan Toshkentgacha bo‘lgan masofa janubiy-sharqiy yo‘nalishda 522 kilometrni tashkil qilgan.
Zilzila O‘zbekiston hududida quyidagi shaharlarda sezilgan:
Avvalroq Tojikistonda yuz bergan zilzila O‘zbekistonning 5 ta shahrida sezilgandi. Shuningdek, Farg‘ona vodiysida zilzila yuz bergandi.
Eslatib o‘tamiz, 1-sentabr kuni Tojikiston—Qirg‘iziston chegarasida qayd etilgan zilzila ham O‘zbekistonda sezilgandi. 7-sentabr kuni esa O‘zbekistonda 3,8 balli zilzila yuz berdi. 8-sentabr kuni Farg‘onada 2 balli zilzila kuzatildi.
Manba: Daryo.uz