Serxio Aguero qachon maydonga qaytadi? Xosep Gvardiola javob berdi
“Manchester Siti” bosh murabbiyi Xosep Gvardiola jamoa hujumchisi Serxio Agueroning yana ikki oyni maydon tashqarisida o‘tkazishi mumkinligini aytdi.
Biz uning jiddiy jarohat olganligini bilardik. Balki 1-2 oy ichida tayyor bo‘lib qolar. U hali jismoniy holatini tiklaganicha yo‘q. Serxio ko‘p vaqtni o‘tkazib yubordi. Buning ustiga u jismoniy holatini tez tiklaydigan yigitlardan emas.
Xosep Gvardiola, “Manchester Siti” bosh murabbiyi
Qayd etish joiz, 32 yoshli hujumchi iyun oyida tizzasidan operatsiya qilingan edi. Shundan so‘ng u maydonga tushgani yo‘q.
Ma’lumot uchun, argentinalik futbolchi o‘tgan mavsumda barcha musobaqalarda 32 ta o‘yin o‘tkazib, 23 ta gol 4 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Manba: Daryo.uz