Krishtianu Ronaldu ketma-ket 19 mavsumda gol urdi

“Yuventus” hujumchisi Krishtianu Ronaldu Italiya A Seriyasining 1-turidan o‘rin olgan “Sampdoriya”ga qarshi o‘yinda (3:0) o‘z nomiga gol yozdirib qo‘ydi.

Shu tariqa 35 yoshli portugaliyalik futbolchi klub darajasida qatorasiga 19-mavsumda gol urishga muvaffaq bo‘ldi.

Qayd etish joiz, Ronaldu bungacha “Sporting”, “Manchester Yunayted”, “Real” safida ketma-ket 16-mavsumda gol urgan. “Yuventus”dagi dastlabki ikki mavsumida gol urishga erishgan.

Ma’lumot uchun, Ronaldu 2018-yilning yozidan beri “Yuventus” safida to‘p suradi. 2019/20-yilgi mavsumda u A Seriyada 33 o‘yin o‘tkazib, 31 ta gol va 6 ta golli uzatmaga mualliflik qildi. Uning klub bilan amaldagi shartnomasi 2022-yilgacha mo‘ljallangan.

Mavzuga doir: