OAV: Turkiyada olti kishi 1-may sanasida terakt uyushtirishga tayyorgarlikda gumonlanib qo‘lga olindi

Turkiyaning g‘arbidagi Izmir shahrida IShID jangarilari deb taxmin qilingan olti kishi 30-aprel, yakshanba kuni qo‘lga olindi. Bu haqda Hurriyet Daily News nashriga tayanib, “TASS” xabar berdi.

Politsiyaning dastlabki ma’lumotlariga ko‘ra, qo‘lga olinganlar 1-may, Xalqaro mehnat kunida terakt amalga oshirishni rejalashtirgan. O‘tkazilgan reydlar natijasida politsiya IShIDga aloqador ko‘plab hujjatlarni ham qo‘lga kiritgan.

Politsiya surishtiruv ishlarini davom ettirmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!