Dubay o‘z shriftini ishga tushirgan birinchi shahar bo‘ldi

Dubay shahri Microsoft kompaniyasi bilan hamkorlikda o‘z shriftini yaratdi, u Dubai Font deb nom oldi, deya xabar bermoqda “Mk.ru”.

Dubayning valiahd shahzodasi shayx Hamdan bin Muhammad bin Rashid Al Maktum aniqlik kiritishicha, Dubay raqamli dunyoda birinchilikka erishish uchun anchadan buyon harakat qilmoqda.

U yangi shriftning o‘ziga xos xususiyatlari internetda va dunyodagi eng yangi texnologiyalarda ommalashib ketishiga ishonch bildirdi.

Shrift bundan buyon hukumat muassasalari tomonidan rasmiy yozishmalarda foydalaniladi.