Marmar dengizi to‘q sariq tusga kirdi

Turkiyada Marmar dengizi qisman to‘q sariq tusga kirdi. Bu haqda, Daily Sabah nashriga asoslanib, “Gazeta.ru” xabar bermoqda.

Tekirdag‘ shahri qirg‘og‘i yaqinida dengiz suvi plankton tufayli rangini o‘zgartirdi. Olimlarning fikricha, uni oddiy ko‘z bilan ko‘rib bo‘lmaydi.

Mahalliy aholi vakillari orasida esa bu holat maishiy chiqindilar yoki kimyoviy moddalar bilan bog‘liq, degan taxmin mavjud. Ammo ekspertlarning ta’kidlashicha, fenomenning asl sababi Noctiluca mikroorganizmlarining tez ko‘payib borishidir.

Turli plankton dengiz suviga turlicha tus berishi mumkin.