Tramp Klintonning mag‘lubiyati haqidagi so‘zlarini izohladi

AQSh prezidenti Donald Tramp mag‘lubiyatida FQB va WikiLeaks’ni ayblagan sobiq raqibi Hillari Klintonning so‘zlariga izoh berdi. Bu haqda u Twitter’dagi sahifasida ma’lum qildi, deb yozadi “Gazeta.ru”.

“FQB direktori Komi Klintonga ko‘plab yomon ishlarni qilish uchun erkinlik berdi. Tramp va Rossiya haqidagi yolg‘on hikoya demokratlar tomonidan saylovlardagi mag‘lubiyatini asoslash uchun o‘ylab topilgan. Balki, Tramp ajoyib kampaniya o‘tkazgandir”, — deb yozdi prezident.

Avvalroq Klinton prezidentlik saylovlaridagi mag‘lubiyatida FQB va WikiLeaks’ni ayblagan edi. Uning so‘zlariga qaraganda, agar saylovlar oktabrda o‘tganda u aniq prezident bo‘lar edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!