AQSh yana bir bor qit’alararo ballistik raketani sinovdan o‘tkazdi

AQSh harbiylari bir necha kun ichida ikkinchi marta Minuteman III qit’alararo ballistik raketasini sinovdan o‘tkazdi. Bu haqda, Fox News’ga asoslanib, “Kommersant.ru” xabar bermoqda.

Uchirish Kaliforniya shtatidagi Vandenberg bazasidan amalga oshirildi. Raketa 6,4 ming kilometrdan ortiq uchib, Marshall orollari yaqinida Tinch okeaniga quladi.

26-aprel kuni ham Minuteman III sinovdan o‘tkazilgan edi. O‘shanda ham raketa 6,4 ming kilometr uchib, Marshall orollaridagi shartli nishonga tekkan edi.

“Daryo” yangiliklarini Facebook’da kuzatib boring