WhatsApp messenjeri nosozlikdan so‘ng yana ishlab ketdi

WhatsApp messenjerining ishi 3-may, chorshanba kungi nosozlikdan so‘ng qayta tiklandi, deb yozadi “TASS” uning vakillariga tayanib.

“Bizda vaqtinchalik uzilish yuz berdi. Ayni paytda servislarimiz ishi qayta tiklandi. Sabr-toqat ko‘rsatganingiz uchun minnatdormiz”, — deyiladi kompaniya xabarida.

WhatsApp’dagilar nosozlik sabablariga aniqlik kiritmadi.

Eslatib o‘tamiz, butun dunyo bo‘ylab ommabop WhatsApp messenjeri foydalanuvchilari dastur ishidagi nosozlikdan shikoyat qilgan edi. Messenjer internetga ulanmay qolgan, natijada xabarlarni yuborish va qabul qilish mumkin bo‘lmagan.

“Daryo” yangiliklarini “Odnoklassniki”da kuzatib boring