Ramazon oyi arafasida Dubay aholisini megachegirmalar kutmoqda

Ramazon oyi arafasida Dubay aholisini 30—90 foizlik navbatdagi megachegirmalar kutmoqda, deb yozadi “Russianemirates.com”.

Elektronika, zargarlik buyumlari, maishiy texnika va kiyim-kechaklar chegirmalar bilan 18—20-may kunlari sotib yuboriladi, ayni shu kunlari maktabdagi o‘quv yili tugaydi va muqaddas oy boshlanadi. Festivalda butun amirlik bo‘ylab chakana savdo do‘konlari ishtirok etadi.

Ayni paytda Dubayda butun dunyo riteylerlarining 57 foizi ishlaydi, ushbu ko‘rsatkich bo‘yicha amirlik global ko‘lamda faqat Londondan ortda qoladi (58 foiz).

BAAda chakana savdo sektori yiliga 5 foizga o‘sishda davom etmoqda va joriy yil oxirigacha 200 milliard dirham (55 milliard dollar) hajmiga yetishi kutilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!