Nukus va Xo‘jayli tumanlariga yangi hokimlar tayinlandi
Qoraqalpog‘iston Respublikasining Nukus hamda Xo‘jayli tumanlariga yangi hokimlar tayinlandi, deb xabar berdi “KRuz.uz”.
Nukus tumaniga Seytaxov Ajiniyaz Polatbayevich hokim etib tayinlangan.
Ajiniyaz Seytaxov bundan oldin Qoraqalpog‘iston Respublikasi tashqi iqtisodiy aloqalar, investitsiyalar va savdo vaziri lavozimida faoliyat yuritayotgan edi.
Eslatib o‘tamiz shu paytgacha, Nukus tumani hokimi lavozimida Seytnazarov Yergali Yerjanovich ishlab kelayotgan edi.
Shu yilning yanvar oyida Embergenov Jengisbay Saginbayevich Xo‘jayli tumaniga hokim etib tayinlangandi. Ma’lum qilinishicha u lavozimidaan ozod etilgan.
Hozirda Xo‘jayli tumani hokimi lavozimiga Qaypov Daryabay Jaqsibayevich tayinlangan.
Daryabay Qaypov bundan oldin Qoraqalpog‘iston Respublikasi qishloq va suv xo‘jaligi vaziri lavozimida faoliyat yuritayotgan edi.
“Daryo” yangiliklarini “Odnoklassniki”da kuzatib boring